Material educativo destinado al alumnado del I.E.S. NÚÑEZ DE ARCE, I.E.S. Pinar de la Rubia, I.E.S. Diego de Praves (Valladolid) y a todos los amantes y apasionados del mundo clásico.
Multae regiones Germaniae inundationibus vexantur, imprimis eae, quae ad meridiem aut ad orientem spectant. Interea quibusdam locis aquae iam recedunt. Moderatores rei publicae promiserunt eos, qui hac calamitate aquarum affecti sint, cito adiutum iri.
In Helvetia populus decrevit
Plebis scito Helvetii approbaverunt, ut profugi legibus severioribus vincirentur. Quo facto ii, qui exsules in Helvetiam profugerunt, intra centum dies amoveri possunt. Consilium est numero immigrantium aucto impedire, ne etiam plures Helvetiam petant.
Nadal Parisiis triumphat
Rafael Nadal Hispanus e teniludiis, quae quotannis Parisiis habentur, octavum victor exiit. Certamine finali superavit David Ferrer popularem. Numquam antea tenilusor talem seriem perfecerat victoriae victoriam addens. Mulierum certamine finali Serena Williams e Civitatibus Unitis Americae orta vicerat Maria Scharapowa Russam.
Jefe del Departamento de Latín del I.E.S. Núñez de Arce (anteriormente Jefe de Departamento y profesor de Latín, Griego y Cultura Clásica del I.E.S. "Pinar de la Rubia" y del I.E.S. "Diego de Praves").